मुंबई : परळ आणि प्रभादेवी परिसरास जोडणारा ऐतिहासिक ब्रिटीशकालीन एल्फिस्टन पूल पाडण्यात येणार आहे. त्यासाठी हा पूल रविवार (२७ एप्रिल) रोजी रात्री ९ वाजल्यापासून वाहतुकीस बंद ठेवण्यात येणार आहे.
मिळालेल्या माहितीनुसार, वांद्रे- वरळी सागरी सेतूला थेट अटल सेतूशी शिवडी येथे जोडण्यात येणार असून, त्यासाठी हा पूल पाडून 'एमएमआरडीए'च्या वतीने नवीन पूल बांधण्यात येणार आहे. यासाठी या पुलावरील वाहतूक रवीवारी रात्री ९ वाजल्यापासून बंद करण्यात येणार आहे. दोन वर्षांसाठी हा पूल बंद करण्यात येणार आहे.
दरम्यान, एल्फिस्टन सारखा महत्त्वाचा पूल बंद राहणार असल्याने वाहतूककोंडी होण्याची शक्यता आहे. ती टाळण्यासाठी वाहतूक इतर मार्गाने वळवण्यात आली आहे.
असे असणार पर्यायी मार्ग..
दादर पूर्वेकडून पश्चिमकडे आणि दादर मार्केटकडे जाणाऱ्या वाहनांना टिळक ब्रीजचा वापर करता येईल. तर, परळ पूर्वेकडून प्रभादेवी आणि लोअर परळकडे जाणारी वाहने करी रोड ब्रीजचा वापर करतील.
परळ, भायखळा पूर्वेकडून प्रभादेवी, वरळी, कोस्टल रोड व सी-लिंकच्या दिशेने जाणारी वाहने ही चिंचपोकळी ब्रीजचा वापर करतील.
प्रभादेवी व लोअर परेल पश्चिमेकडून परळला, टाटा रुग्णालय व के.ई.एम रुग्णालयकडे जाणाऱ्या वाहनांना दुपारी ३ ते रात्री ११ या काळात करी रोड ब्रीजचा वापर करता येईल.
करी रोड रेल्वे ब्रिजवरून..
कॉम्रेड कृष्णा देसाई चौककडून (भारत माता जंक्शन) शिंगटे मास्तर चौककडे वाहतूक ही सकाळी ७ ते दुपारी ३ या काळात एकेरी असणार आहे. तर शिंगटे मास्तर चौकाकडून कॉम्रेड कृष्णा देसाई चौकाकडे (भारत माता जंक्शन) वाहतूक दुपारी ३ ते रात्री ११ या वेळेत एक मार्गी असणार आहे.
इथे नो पार्किंग..
सेनापती बापट मार्ग : संत रोहिदास चौक (एलफिन्स्टन जंक्शन) ते ऑडियो जंक्शन
ना. म. जोशी मार्ग : कॉम्रेड गुलाबराव गणाचार्य चौक (आर्थर रोड नाका) ते धनमिल नाका
भवानी शंकर मार्ग : हनुमान मंदिर, कबुतरखाना ते गोपीनाथ चौक
महादेव पालव मार्ग : कॉम्रेड कृष्णा देसाई चौक (भारत माता जंक्शन) ते शिंगटे मास्तर चौक
साने गुरुजी मार्ग : संत जगनाडे चौक ते कॉम्रेड गुलाबराव गणाचार्य चौक (आर्थर रोड नाका)
रावबहादूर एस. के. बोले मार्ग : हनुमान मंदिर ते पोर्तुगीज चर्च डॉ. बाबासाहेब आंबेडकर मार्ग
कोणत्याही टिप्पण्‍या नाहीत
टिप्पणी पोस्ट करा