डोंबिवली : डोंबिवली वाहतूक उपविभाग शाखेचे सहाय्यक पोलीस उपनिरीक्षक अनंत कदम, पोलीस हवालदार शशिकांत गांगुर्डे, पोलीस नाईक गणेश कोळी हे रामनगर येथे वाहतूक कारवाई करीत असताना एक रिक्षा नंबर एमएच-०५ सिजी ८६२३ हीचे वरील चालक विना गणवेश मिळून आल्याने सदर रिक्षा चालक यांच्याकडे रिक्षाचे कागदपत्रे बाबत विचारणा केली असता तो इसम उडवा उडवी चे उत्तरे देवु लागला त्यामूळे सदर बाबत पोहवा. गांगुर्डे यांनी ई-चलन मशीन द्वारे रिक्षाचे मूळ मालक बाबत माहिती काढून सदर रिक्षा चे मालक प्रसाद गुरुनाथ माळी यांचेशी संपर्क साधला असता सदरची रिक्षा ही दिनांक १८/०८/२०२४ रोजी पासून बदलापूर येथून चोरी झाली असुन त्याबाबत फिर्यादी व मूळ मालक यांनी बदलापूर पुर्व पोलीस स्टेशन गुन्हा रजिस्टर नंबर ३८८/२०२४ भारतीय न्याय सहिंता २०२४ कायदा कलम ३०३(२) अन्वये गून्हा नोंद केला असल्याची माहिती प्रसिद्धी माध्यमांना दिली. त्यामुळे सदर रिक्षा व संशयित ताब्यात घेऊन वपोनि. गिरीश बने यांना सांगितले असता त्यांनी याची खात्री करून तात्काळ वपोनि. किरण बलवाडकर, बदलापूर (पूर्व) पोलीस ठाणे यांना याबाबत माहिती दिली. त्यानुसार गुन्ह्याचे तपासी अंमलदार सहाय्यक पोलीस उपनि. प्रमोद पाटील. नेम बदलापूर पुर्व पोलीस स्टेशन यांच्या ताब्यात सदरची चोरीस गेलेली रिक्षा आणि रिक्षा चालक यास ताब्यात देण्यात आले आहे.
संशयित इसम नामे राजेंद्र अजिनाथ जाधव (वय: ४२ वर्षे) राहणार: रंजीत संते बिल्डिंग हनुमान मंदीर जवळ, कोळेगाव, डोंबिवली (पूर्व) या ठिकाणी राहतो. संशयित हा पोलीसांच्या रेकॉर्ड वरील गुन्हेगार असून त्याच्या विरुद्ध यापूर्वी डोंबिवली पोलीस स्टेशन येथे खालील प्रमाणे गून्हे नोंद आहेत -
१) सीआर २७३/१७ आयपीसी ३९४
२) सीआर १०६/२२ आयपीसी ३७९
३) सीआर ३३९/२२ आयपीसी ३७९
४) सीआर २९३/२३ आयपीसी ३७९
डोंबिवली वाहतूक पोलीस अंमलदार यांनी उल्लेखनीय कामगिरी केली असून वरिष्ठ पोलीस निरीक्षक गिरीश बने यांनी त्यांचे कौतुक केले आहे.
'
गणराज प्रेरनोत्सव अंतर्गत 'जे एम एफ' संस्थेमधे दहा दिवसांचा गणपती बाप्पा देखील विराजमान झालेला असतो, सर्व विद्यार्थी, शिक्षक यांच्या बरोबरच संस्थेचे अध्यक्ष डॉ. राजकुमार कोल्हे, सचिव डॉ. प्रेरणा कोल्हे आणि आदर्श शिक्षिका पुरस्कृत असलेल्या नागपूरच्या ८९ वर्षीय शिक्षिका श्रीमती तुळसाबाई लाकडे यांच्या हस्ते बाप्पाची आरती करून कार्यक्रमाला सुरुवात झाली. 'लहानपण देगा देवा', किंवा 'बालपणीचा काळ सुखाचा', हे स्वप्न सर्वांचेच असते आणि पुन्हा लहान होऊन स्वच्छंदी बागडवे असे सर्वानाच वाटते त्यामुळे आपण सर्व मोठे आज लहान होऊन जगा, आणि लहान मोठे होऊन बघा, आणि आजच्या दिवशी आपले स्वप्न साकार करा असे संस्थापक डॉ. राजकुमार कोल्हे यांनी मुलांना सांगितले. तर शिकायला वय नाही आणि खेळायला मर्यादा नाही असे डॉ. प्रेरणा कोल्हे यांनी सांगून लहानपणीचे खेळ लगोरी, सायकल चे टायर फिरवत पळत जाणे, लंगडी, धावणे या वयातही हे खेळ मनाला आणि शरीराला चालना देण्याचे काम करतात आणि आपसूकच आपले मन बाल्यावस्थेत जाते असे डॉ. प्रेरणा कोल्हे यांनी मुलांना सांगून प्रोत्साहन दिले.
