.png)
डोंबिवली शहरात आणि ग्रामीण भागात महाशिवरात्री उत्साहात साजरी करण्यात आली. शहरात तसेच ग्रामीण भागातील श्रीशंकर मंदिरात विविध धार्मिक कार्यक्रमांचे आयोजन करण्यात आले होते. शहरातील विविध शंकर मंदिरात भक्तांना फळवाटप सारख्या कार्यक्रमाचे आयोजन करण्यात आले होते. सकाळपासूनच भाविकांनी शंकराच्या मंदिराजवळ रांगा लावून भोले शंकराचे दर्शन घेतले. भक्तिमय वातावरणात शिवरात्र उत्सव उत्साहात साजरा करण्यात आला.
.png)
महाशिवरात्रीनिमित्त शहरातील सर्वात जुन्या असलेल्या पिंपळेश्वर महादेव मंदिरात पहाटेपासूनच भाविकांनी दर्शनासाठी गर्दी केली. बेलपत्र, बेलफळे वाहत, शिवलिंगावर दूध अर्पण करून यथासांग पूजा करण्यात आली. येथील शिवमंदिरात भाविकांनी पूजा करून महाशिवरात्र हा उत्सव साजरा केला. अनेक ठिकाणी या सणानिमित्ताने विविध कार्यक्रमाचे आयोजन करण्यात आले होते. अनेक शिवभक्तांनी भंडाऱ्याचेही आयोजन केले होते. आगामी निवडणुका पाहता अनेक पक्षांच्या पदाधिकाऱ्यांनी भक्तांना शुभेच्छा देण्याचे मंदिर परिसरात बॅनर्स लावल्याचे दिसून येत होते.
.png)
श्री पिंपळेश्वर महादेव भक्त मंडळातर्फे महाशिवरात्री हा उत्सव खूप मोठ्या उत्साहाने साजरा केला जातो. महाशिवरात्रीत भजन-कीर्तन तसेच अनेक कार्यक्रम आयोजित केले जातात. दुसऱ्या दिवशी हजारोच्या संख्येने भाविक येथे महाप्रसादाचा लाभ घेत असतात. सागाव, मानपाडा, सोनारपाडा, सागर्ली परिसरातील अशा गावांमधील भाविक श्रावणी सोमवारीच नव्हे, तर प्रत्येक दिवशी या मंदिराला भेट देत असतात. येणाऱ्या सर्व भक्त जणांसाठी प्रसाद म्हणून खिचडी, केळी, खजुराचे वाटप केले जाते महाशिवरात्रीच्या दिवशी अनेक लोकप्रतिनिधी या मंदिरास भक्तिभावाने भेट देत असतात. मंदिराचे विश्वस्त प्रकाश म्हात्रे माजी नगरसेविका प्रेमा म्हात्रे, पूजा मात्रे, पंढरीनाथ पाटील, रिक्षा संघटनेचे अंकुश म्हात्रे हे महाशिवरात्रीचा उत्सव यशस्वी होण्यासाठी झटत असतात.
कोणत्याही टिप्पण्या नाहीत
टिप्पणी पोस्ट करा