शिमला : भारताला यावेळी पॅराग्लायडिंग विश्वचषक स्पर्धेचे आयोजन करण्याची संधी मिळाली आहे. हिमाचल प्रदेशमधील कांगडा जिल्ह्यातील बीर-बिलिंग येथे येत्या २ ते ९ नोव्हेंबर या कालावधीत ही स्पर्धा होणार आहे. ५० देशांतील १३० स्पर्धक यामध्ये सहभागी होणार आहेत तर या विश्वचषक स्पर्धेला 'फेडरेशन ऐरोनॉटीक इंटरनॅशनल' (एफएआय) ने ग्रेड २ इव्हेंट असा दर्जा दिला आहे. 'ऐरो क्लब ऑफ इंडिया' (एसीआय) नेही या स्पर्धेला मान्यता दिली आहे.
गेल्या वर्षी बीर-बिलिंग येथे 'पॅराग्लायडिंग ऍक्युरसी प्री-वर्ल्ड कप' आणि 'पॅराग्लायडिंग क्रॉस-कंट्री प्री-वर्ल्ड कप' स्पर्धेचे यशस्वी आयोजन करण्यात आले होते. त्यानंतर आता पॅराग्लायडिंग वर्ल्ड कप असोसिएशन ने येथे पॅराग्लायडिंग विश्वचषक स्पर्धेचे आयोजन करण्यास मंजुरी दिली आहे. 'बीर-बिलिंग पॅराग्लायडिंग असोसिएशन' (बीपीए) चे अध्यक्ष अनुराग शर्मा म्हणाले की, राज्य सरकारच्या प्रोत्साहनाने आणि सहकार्याने भारताला याचे आयोजन करण्याची संधी मिळाली. त्यांनी सांगितले की 'फेडरेशन एरोनॉटिक इंटरनॅशनल' (एफएआय) ने याला श्रेणी २ इव्हेंटचा दर्जा दिला आहे. एरो क्लब ऑफ इंडिया (एसीआय) ने ही मान्यता दिली आहे.
अनुराग शर्मा म्हणाले, विश्वचषकात स्पर्धकांना बीर-बिलिंग पासून दररोज १०० ते २०९ किलोमीटर अंतर क्रॉस कंट्री अंतर्गत उड्डाण करण्याचे काम दिले जाईल. या कार्यक्रमादरम्यान बीर-बिलिंग येथे हिमाचल पॅराग्लायडिंग महोत्सवही साजरा केला जाणार आहे. विश्वचषकाशिवाय, प्रेक्षकांसाठी अनेक हवाई स्टंट, मॅरेथॉन, सायकलिंग, राफ्टिंग आणि भारतीय वायुसेनेचे शो देखील आयोजित केले जातील. याशिवाय हिमाचली संस्कृतीची ओळख करून देण्यासाठी विश्वचषकादरम्यान दररोज संध्याकाळी संस्कृत संध्याचे आयोजन करण्यात येणार आहे.
भारताला विश्वचषकाचे यजमानपद मिळाल्यानंतर हिमाचलचे मुख्यमंत्री सुखविंदर सिंग सुखू यांनी शिमला येथे आयोजित केलेल्या पत्रकार परिषदेत संघटनेचे अभिनंदन केले. यावेळी ते म्हणाले की, बीर-बिलिंग येथे होणाऱ्या या विश्वचषकामुळे हिमाचलला जगभरात ओळख मिळेल. त्यामुळे पर्यटनालाही चालना मिळेल.
कोणत्याही टिप्पण्‍या नाहीत
टिप्पणी पोस्ट करा