मुंबई : भारत-अमेरिका अंतराळ मोहिमेसाठी भारताने आपल्या चार प्रमुख अंतराळवीराची निवड केली आहे. ग्रुप कॅप्टन शुभांशु शुक्ला हे या मोहिमेचे प्रमुख अंतराळवीर असतील. कॅप्टन प्रशांत नायर यांचीही या मोहिमेसाठी निवड करण्यात आल्याचे 'इसरो'ने काल जाहीर केले. बॅकअप म्हणून तो त्याचा भाग असेल.
शुभांशु 'इंटरनॅशनल स्पेस स्टेशन'वर (आयएसएस) कधी जाणार याची तारीख अद्याप जाहीर करण्यात आलेली नाही. मात्र, या महिन्याच्या पहिल्या आठवड्यापासून दोघांचे प्रशिक्षण सुरू होणार आहे. इसरो ने सांगितले की, 'ह्युमन स्पेस फ्लाइट सेंटर' (एचएसएफसी) ने आयएसएस मधील आगामी 'ऍक्सीयॉम ४' मोहिमेसाठी यूएस आधारित 'ऍक्सीयॉम स्पेस' सोबत 'स्पेस फ्लाइट करार' (एसएफए) केला आहे.
४ गगनयात्रींमध्ये शुभांशूची निवड
'इसरो'ने सांगितले की, ‘४ गगनयात्रींपैकी 'नॅशनल मिशन असाइनमेंट बोर्डा'ने शुभांशू आणि प्रशांत यांची निवड केली आहे. 'इंडो यूएस स्पेस मिशन' करारामुळे भारताची आगामी गगनयान मोहीम पूर्ण करण्यात मदत होईल.
ग्रुप कॅप्टन शुभांशू आणि ग्रुप कॅप्टन प्रशांत या दोघांनाही ऑगस्टच्या पहिल्या आठवड्यापासून अमेरिकेत मिशनसाठी प्रशिक्षण दिले जाईल. अंतराळ मोहिमेदरम्यान, निवडलेली गगनयात्री वैज्ञानिक संशोधन आणि तंत्रज्ञानाची चाचणी घेतील. याशिवाय ते अंतराळातील आउटरीच उपक्रमांमध्येही सहभागी होतील.
शुभांशुने सुखोई आणि मिग सारखी लढाऊ विमाने उडवली आहेत
शुभांशू ३८ वर्षांचा आहे. तो एक फायटर पायलट आणि लढाऊ लीडर आहे. त्याला २००० तासांपेक्षा जास्त उड्डाणाचा अनुभव आहे. आतापर्यंत त्यांनी सुखोई-३० एमकेआय, मिग-२१, मिग-२९, जॅग्वार, हॉक, डॉर्नियर आणि एएन-३२ ही विमाने उडवली आहेत.
शुभांशूचा जन्म १० ऑक्टोबर १९८५ रोजी लखनऊ, उत्तर प्रदेश येथे झाला. शुभांशु हा राष्ट्रीय संरक्षण प्रबोधिनीचा (एनडीए) माजी विद्यार्थीही आहे. १७ जून २००६ रोजी भारतीय हवाई दलाच्या लढाऊ प्रवाहात त्यांची नियुक्ती झाली.
कॅप्टन प्रशांत बालकृष्णन नायर हे गगनयात्रींमध्ये सर्वात वयस्कर (४७ वर्षे) वयाचे आहेत. प्रशांत हे एनडीएचे माजी विद्यार्थीही आहेत. एअरफोर्स अकादमीत त्यांना 'स्वॉर्ड ऑफ ऑनर'ही मिळाला. प्रशांत यांचा जन्म २६ ऑगस्ट १९७६ रोजी केरळमधील तिरुवाझियाड येथे झाला. १९ डिसेंबर १९९८ रोजी भारतीय हवाई दलाच्या लढाऊ प्रवाहात त्यांची नियुक्ती झाली.
ग्रुप कॅप्टन नायर हे 'क्लास-ए' फ्लाइट ट्रेनर आहेत. त्यांना ३००० तासांपेक्षा जास्त उड्डाणाचा अनुभव आहे. त्यांनी सुखोई-३० एमकेआय, मिग-२१, मिग-२९, हॉक, डॉर्नियर आणि एन-३२ ही विमानेही उडवली आहेत.
प्रशांतने सुखोई-३० एमकेआय स्क्वाड्रनची कमान घेतली आहे. ते अमेरिकेच्या स्टाफ कॉलेजचे माजी विद्यार्थीही आहेत. याशिवाय ते डिफेन्स सर्व्हिसेस स्टाफ कॉलेज, वेलिंग्टन आणि फ्लाइंग इंस्ट्रक्टर स्कूल, तांबरम येथील कर्मचाऱ्यांनाही मार्गदर्शन करत आहेत.
कोणत्याही टिप्पण्‍या नाहीत
टिप्पणी पोस्ट करा