डोंबिवली दि.११ : शिवसेनेचे कल्याण लोकसभेत तब्बल तिसऱ्यांदा निवडून आलेले खासदार डॉ. श्रीकांत एकनाथ शिंदे यांच्या संकल्पनेतून ११ ऑगस्ट रोजी डोंबिवली पूर्वेकडील मानपाडा रोडवरील 'होरायझन' सभागृहात भव्य नोकरी महोत्सवाचे आयोजन करण्यात आले होते. या नोकरी महोत्सवाचे आयोजन शिवसेना डोंबिवली शहरप्रमुख राजेश मोरे यांच्यातर्फे करण्यात आले. या नोकरी महोत्सवात सुमारे ५००० तरुणांनी सहभाग घेतला. या रोजगार मेळाव्यात १३० हून अधिक नामांकित कंपन्यांचा सहभाग होता, ज्यामुळे हजारो तरुणांना रोजगाराच्या संधी उपलब्ध झाल्या. स्थानिक तरुणांना रोजगाराच्या दृष्टीने या नोकरी महोत्सव उपक्रमाचा मोठा लाभ झाला आहे.
शिवसेनेच्या या उपक्रमामुळे तरुणांना त्यांच्या कौशल्यानुसार रोजगार मिळविण्यास मदत झाली असून, या मेळाव्यामुळे डोंबिवलीत उत्साहाचे वातावरण होते. यावेळी कल्याण जिल्हाप्रमुख गोपाळ लांडगे, लताताई पाटील, डोंबिवली शहरप्रमुख राजेश मोरे, कल्याण ग्रामीण तालुकाप्रमुख महेश पाटील, माजी नगरसेवक विश्वनाथ राणे, एकनाथमामा पाटील, उपशहर प्रमुख संतोष चव्हाण, गुलाब वझे, प्रकाश म्हात्रे, कविता गावंड, हरिश्चंद्र पाटील, पंढरीनाथ पाटील, विजय पाटील, जनार्धन म्हात्रे, गजानन व्यापारी, माजी नगरसेवक संजय पावशे आदीसह अनेक शिवसेना पदाधिकारी या नोकरी महोत्सवात उपस्थित होते.
यावेळी कल्याण जिल्हाप्रमुख गोपाळ लांडगे म्हणाले, खासदार डॉ. श्रीकांत शिंदे यांच्या संकल्पनेतून कल्याण ग्रामीण विधानसभा क्षेत्र व डोंबिवली विधानसभा क्षेत्राकरिता महाराष्ट्र शासन व शिवसेना शाखा यांच्या माध्यमातून हा भव्य दिव्य नोकरी महोत्सव आयोजित करण्यात आला असून नुकत्याच परीक्षा झालेल्या आहेत. अनेक तरुण - तरूणी नोकरीच्या शोधात आहेत. अशा तरुणांना या नोकरी महोत्सवात रोजगाराची संधी उपलब्ध झाली आहे, हजारो तरुणांना नोकऱ्या मिळाल्या आहेत. या नोकरी महोत्सवात युवक-युवती जे चांगल्या नोकरीच्या शोधात आहेत अशा युवक-युवतीं करिता हा नोकरी महोत्सव रोजगार मेळावा उपयोगी आहे. या नोकरी महोत्सवात 'ऑन दि स्पॉट' नियुक्तीपत्र देण्यात आले, ज्यांची पात्रता आहे त्यांना या नोकरी महोत्सवाचा नक्कीच फायदा झाला .
कोणत्याही टिप्पण्‍या नाहीत
टिप्पणी पोस्ट करा