डोंबिवली : दिपेश म्हात्रे फाऊंडेशन यांच्या वतीने प्रतिवर्षीप्रमाणे यावर्षीही 'स्वराज्य दहिकाला उत्सव २०२४' चे आयोजन डोंबिवली पश्चिम येथे सम्राट चौकात मंगळवार २७ ऑगस्ट रोजी आयोजित करण्यात येत असल्याची माहिती माजी स्थायी समिती सभापती युवा मोर्चा सचिव दिपेश म्हात्रे यांनी घेतलेल्या पत्रकार परिषदेत दिली आहे.
स्वराज्य दहिकाला उत्सव निमित्ताने विविध कार्यक्रम ठेवण्यात आले आहेत. तसेच दहीहंडी फोडण्याचा मान यंदा रिक्षा चालकांना देण्यात येणार आहे. याचे कारण रिक्षाचालक प्रामाणिकपणे रिक्षा चालवित असतात. रिक्षामध्ये वस्तू, बॅग अन्य काही चीजवस्तू राहिल्यास परत देतात. परंतु त्यांना पाहिजे तसा मान सन्मान मिळत नाही. त्यांच्याकडे वेगळ्या प्रकारे बघीतले जाते. एखाद्या वेळेस व्यक्ती आजारी पडल्यास रुग्णवाहिका येणाच्या अगोदर रिक्षावाला तेथे पाहचतो म्हणून या सर्व बाबींची दखल घेऊन रिक्षा चालकांना यंदा दहीहंडी फोडण्याचा मान मिळणार आहे.
तसेच सहभागी झालेल्या गोविंदा पथकांना सलामी देण्यासाठीही आकर्षक बक्षीसे ठेवण्यात आली आहेत. तसेच संजु राठोड व विनायक माळीसह अन्य कलाकार यावेळी उपस्थित राहणार आहेत. तसेच २६ ऑगस्ट रोजी रात्री बारा वाजता 'कृष्ण जन्माष्टमी' साजरी केली जाणार आहे. त्यानिमित्ताने भजन कार्यक्रम आयोजित करण्यात आला आहे.
तसेच कमानी गेट लावले जाणार नाहीत, जेणे करून वाहतुक कोंडी होणार नाही. कमानी लावु नये यासाठी आपण इतर पक्षांशीही मी बोलणार आहे असे दीपेश म्हात्रे यांनी सांगितले. दहिकाला उत्सवाचे निमंत्रण राज्याचे मुख्यमंत्री एकनाथ शिंदे, लोकसभा कल्याण मतदारसंघाचे खासदार डॉ. श्रीकांत शिंदे यांनाही दिले असल्याची माहिती दिपेश म्हात्रे यांनी दिली.
कोणत्याही टिप्पण्‍या नाहीत
टिप्पणी पोस्ट करा