डोंबिवली : विधानसभा २०२४ च्या अनुषंगाने शनिवारी होणाऱ्या मतमोजणीसाठी कल्याण ग्रामीण मतदारसंघातील यंत्रणा सज्ज झाली आहे, अशी माहिती निवडणूक निर्णय अधिकारी विश्वास गुजर यांनी प्रसिद्धी माध्यमांना दिली. मतमोजणीची रंगीत तालीम शुक्रवारी दुपारी २ वाजता येथील सावित्रीबाई फुले कलामंदिर येथे होणार आहे.
मतमोजणी सकाळी ८ वाजता सुरु होणार आहे. मतमोजणीसाठी १५० अधिकारी, कर्मचारी तसेच १५० पोलिस अधिकारी, कर्मचारी यांची नेमणूक करण्यात आली आहे. मतमोजणी १९ टेबल्सवर होणार असून, मतमोजणीच्या एकूण ३२ फेऱ्या होणार आहेत. मतदानप्रक्रिया पूर्ण झाल्यानंतर ईव्हीएम मशिन्स सावित्रीबाई फुले कलामंदिराच्या तळमजल्यावरील स्ट्राँगरूम मध्ये केंद्रीय निवडणूक निरीक्षक व निवडणूक प्रतिनिधी यांच्यासमक्ष सीलबंद करण्यात आल्या आहेत. स्ट्राँग रूमच्या भोवती सीसीटीव्ही कॅमेऱ्यांसह केंद्रीय निमलष्करी दल, राज्य राखीव दल आणि राज्य पोलिस अधिकारी असा २४ तास त्रिस्तरीय पहारा तैनात करण्यात आला आहे.
कोणत्याही टिप्पण्‍या नाहीत
टिप्पणी पोस्ट करा