डोंबिवली : गुन्हे शाखा, घटक ३, कल्याणचे पोशि. मिथुन राठोड यांना त्यांच्या गुप्त बातमीदारामार्फत दि. १८/११/२०२४ रोजी विष्णुनगर पोलीस ठाणे हद्दीतील बावनचाळ, रेल्वे मैदान डोंबिवली पश्चिम येथे एक इसम देशी बनावटीचे पिस्टल विक्री करण्याकरीता येणार असल्याची खात्रीशिर बातमी मिळाली होती. सदर मिळालेल्या माहितीप्रमाणे वरिष्ठ पोलीस निरीक्षक अजित शिंदे यांच्या मार्गदर्शनाखाली पोलीस पथकाने बावनचाळ, गणेश मंदिर जवळ जावून सापळा लावून इसम नामे सुधीर रामनिवास ठाकुर (वय: २२ वर्षे) राहणार. नगला जगमोहन गाव, तहसिल-फतेहाबाद, जिल्हा आग्रा, राज्य उत्तरप्रदेश यास ताब्यात घेवुन त्याच्या कब्जातुन ९०,०००/- रूपये किंमतीचे दोन देशी बनावटीचे पिस्टल व ४०००/- रूपये किंमतीचे ०४ जिवंत काडतुस असा एकूण ९४,०००/- रूपये किंमतीचे ०२ देशी बनावटीचे पिस्टल व ०४ जिवत काडतुसे विनापरवाना बेकायदेशिर रित्या स्वतःच्या कब्जात बाळगलेला असताना सापडल्याने त्यास ताब्यात घेण्यात आले होते.
त्यानंतर इसम नामे सुधीर रामनिवास ठाकुर याच्या कब्जात विनापरवाना बेकायदेशिर रित्या ०२ देशी बनावटीचे पिस्टल व ०४ जिंवत काडतुसे मिळून आल्याने त्याने मा. पोलीस उप आयुक्त, विशेष शाखा, ठाणे शहर यांचेकडील मनाई आदेशाचा भंग केल्याने त्याचे विरुद्ध पोशि. मिथुन राठोड नेम गुन्हे शाखा, घटक-३, कल्याण यांनी विष्णुनगर पोलीस ठाणे, डोंबिवली पश्चिम येथे भारतीय शस्त्र कायदा कलम ३,२५ व मुंबई पोलीस कायदा कलम ३७ (१) १३५ प्रमाणे सरकारतर्फे कायदेशीर फिर्याद दिल्याने गुन्हा दाखल करण्यात आला आहे. सदर गुन्ह्याचा पुढील अधिक तपास गुन्हे शाखा, घटक-३. कल्याण कडून करण्यात येत आहे.
सदरची कामगिरी मा.आशुतोष डुंबरे साो, पोलीस आयुक्त ठाणे शहर, मा. पंजाबराव उगले, अपर पोलीस आयुक्त, गुन्हे मा. शिवराज पाटील, पोलीस उप आयुक्त, गुन्हे, व मा. शेखर बागडे, सहाय्यक पोलीस आयुक्त (शोध-१) गुन्हे शाखा, ठाणे शहर यांच्या मार्गदर्शनाखाली कल्याण गुन्हे शाखेचे वरिष्ठ पोलीस निरीक्षक अजित शिंदे, सपोनि. संतोष उगलमुगले, पोउपनि. विनोद पाटील, पोलीस अंमलदार अनुप कामत, किशोर पाटील, गुरूनाथ जरग, मिथुन राठोड, विलास कडु सर्व नेम गुन्हे शाखा, घटक-३, कल्याण यांनी यशस्वीरित्या केलेली आहे.
कोणत्याही टिप्पण्‍या नाहीत
टिप्पणी पोस्ट करा