मायेची साडी’ने गाजवला भातुकडी पाडा – गरजू महिलांसाठी अनोखी मदत!

जोगेश्वरी, १२ जानेवारी २०२५ – गरजू आणि आदिवासी पाड्यातील महिलांसाठी आयोजित "मायेची साडी" उपक्रमाला यंदाही उत्तम प्रतिसाद मिळाला. मालाड पूर्वेतील भातुकडी पाड्यात या उपक्रमाचे आयोजन करण्यात आले. दरवर्षी अष्टविनायक महिला बचत गट शामनगर यांच्या माध्यमातून हा उपक्रम राबवला जातो.

नवरात्रोत्सवात देवीला अर्पण झालेल्या साड्या गोळा करून त्याचे वाटप गरजू महिलांना करण्यात येते. मागील वर्षी या उपक्रमात ६० साड्यांचे वितरण करण्यात आले होते. यंदाही मंडळांच्या आणि स्थानिक नागरिकांच्या सहकार्यामुळे मोठ्या प्रमाणावर साड्या जमा होऊन गरजू महिलांना वितरित करण्यात आल्या.

या कार्यक्रमात रुपल खैरनार, स्मिता सावंत, दत्ता सावंत, भक्ती साळकर, पूजा दळवी, विनया कानडे, सुरेशना धुरी, प्राजक्ता महाजन, संतोष सावंत, प्रवीण सावंत आणि अतुल जैन यांचा मोलाचा सहभाग होता.

उपक्रमाचे आयोजक शिवाजी खैरनार यांनी या उपक्रमाला सहकार्य करणाऱ्या सर्व मंडळांचे आणि महिलांचे आभार मानले. हा उपक्रम महिलांसाठी आधार बनला असून यामुळे त्यांना मदतीचा हात मिळाला आहे.

• Facebook
• Twitter
• Google+
• Pinterest

You Might Also Like

latest

« PREV

NEXT »