डोंबिवली : जगात आठ मार्च हा दिवस 'जागतिक महिला दिन म्हणून साजरा केला जातो. 'स्त्री' या शब्दाचाच अर्थ असा आहे की 'स' म्हणजे सशक्त आणि 'त्री' म्हणजे त्रिभुवनात जिची सत्ता आहे ती म्हणजे स्त्री. दिनांक ८ मार्च रोजी 'जे एम एफ' शिक्षण संस्थेमध्ये मधुबन वातानुकुलीत दालनामध्ये जागतिक महिला दिन मोठ्या उत्साहात साजरा केला गेला. पुरुष शिक्षकांपेक्षा स्त्री शिक्षकांची संख्या जास्त असल्याकारणाने स्त्री शक्ती आणि विचारांचा सन्मान केला गेला. शाळा, महाविद्यालय मधील सर्व पुरुष शिक्षक व ऑफिस कर्मचाऱ्यांनी उत्तमरित्या महिला दिनाचे आयोजन व्यवस्थापन करून सर्व महिला शिक्षकांना आश्चर्याचा धक्काच दिला. सर्व पुरुष शिक्षकांनी संपूर्ण मधुबन वातानुकुलीत दालन फुलांनी सजवले होते, सर्व महिलांचे आगमन होताच त्यांच्या कपाळाला केशरी गंध लावून त्यांचे औक्षण केले गेले.
सर्व पुरुष शिक्षकांनी सकाळ पासूनच स्वतः भेळ बनविण्यासाठी सर्व पूर्व तयारी चे नियोजन केले होते. सर्वजण एकजुटीने कार्यरत होऊन स्वादिष्ट अशी सर्वांना आवडणारी चटपटीत भेळ बनवली व सर्व उपस्थित महिला वर्गाला हातात आणून दिली. उखाणे घेणे, फॅशन शो, शाब्दिक कोडी, अशा अनेक प्रकारचे खेळ रंगले होते. प्राध्यापक एकनाथ चौधरी, प्राचार्य आमोद वैद्य, उप प्राचार्य अलपेश खोब्रागडे, शिक्षक योगेश शिरसाठ, तेजस पाटील, संकेत कुपटे, करण कोटा, वैभव सर, घनश्याम दादा, सोमेश भांगे, अमन, मोहीत आणि बाकीचे सर्व सहकारी शिक्षक वर्ग या सर्वांनी मिळून उत्तम आयोजन करून महिला दीन साजरा केला व सर्व महिला वर्गाला आनंद दिला.
कोणत्याही टिप्पण्‍या नाहीत
टिप्पणी पोस्ट करा