संदिप कसालकर
शिवसेना पक्षाच्या मुख्य नेते आणि राज्याचे उपमुख्यमंत्री एकनाथ शिंदे यांच्या विरोधात अपमानास्पद वक्तव्य केल्याच्या आरोपावरून कुमार कामरा यांच्याविरुद्ध फौजदारी कारवाईची मागणी करण्यात आली आहे. यासंदर्भात खासदार रवींद्र वायकर यांच्या निर्देशानुसार १५८ जोगेश्वरी पूर्व विधानसभा विभाग प्रमुख ज्ञानेश्वर सावंत, महिला विभाग प्रमुख प्रियांका आंबोळकर, मनीषा रवींद्र वायकर, माजी नगरसेवक प्रवीण शिंदे यांच्या नेतृत्वाखालील शिष्टमंडळाने २४ मार्च २०२५ रोजी मेघवाडी पोलीस ठाण्याचे वरिष्ठ पोलीस निरीक्षक यांना निवेदन सादर केले.
या निवेदनात, कुमार कामरा यांनी उपमुख्यमंत्री एकनाथ शिंदे यांच्याबद्दल केलेल्या अपमानास्पद वक्तव्यामुळे शिवसैनिकांच्या भावना दुखावल्या गेल्याचे नमूद करण्यात आले आहे. तसेच, अशा प्रकारच्या वक्तव्यांमुळे समाजात गैरसमज आणि तणाव निर्माण होऊ शकतो, त्यामुळे संबंधित व्यक्तीविरुद्ध तातडीने फौजदारी कारवाई करण्यात यावी, अशी मागणी करण्यात आली आहे.
निवेदन सादर करताना शिवसेनेचे अनेक पदाधिकारी आणि कार्यकर्ते मोठ्या संख्येने उपस्थित होते. त्यामध्ये वरिष्ठ पदाधिकारी मिलिंद कापडे, अशोक धामापूरकर, विशाल धुरी, मिलिंद शिंगरे, धीरज परब, स्वप्नील सुर्वे, जनार्दन गालपगारे, संतोष भोसले, प्रकाश पावसकर, विनायक यादव, अमोल पारधी, सुरेंद्र कुंभार, वामन जगताप, व्यापार विभाग अध्यक्ष शैलेश जयस्वाल, शाखा प्रमुख प्रकाश शिंदे, हुसेन करोडी, बाळकृष्ण जोशी, उपेश सावंत, कार्यकर्ते विलास साळवी, राकेश आकुनुरी, प्रकाश साळवी, दिगंबर मांजरेकर, राजेश क्षीरसागर, प्रकाश लोखंडे आणि इतर शिवसैनिकांचा समावेश होता.
शिवसेना पदाधिकाऱ्यांनी पोलिस प्रशासनाला तातडीने कारवाई करण्याची विनंती केली आहे. त्यांनी इशारा दिला आहे की, जर संबंधित व्यक्तीविरुद्ध लवकरात लवकर कठोर कारवाई झाली नाही, तर शिवसैनिक आंदोलन छेडतील. या प्रकरणामुळे जोगेश्वरी पूर्व भागात तणावाचे वातावरण निर्माण झाले आहे, आणि स्थानिक नागरिक या घटनेबद्दल चिंता व्यक्त करत आहेत.
शिवसेना कार्यकर्त्यांनी आपल्या नेत्यांच्या प्रतिष्ठेचे रक्षण करण्यासाठी एकत्र येऊन हा निषेध नोंदवला आहे. या घटनेमुळे पक्षाच्या कार्यकर्त्यांमध्ये संतापाची भावना आहे, आणि ते आपल्या नेत्यांच्या समर्थनार्थ ठामपणे उभे आहेत.
पोलिस प्रशासनाने या प्रकरणाची गांभीर्याने दखल घेऊन तातडीने आवश्यक ती कारवाई करावी, अशी शिवसेना पदाधिकाऱ्यांची मागणी आहे.
कोणत्याही टिप्पण्‍या नाहीत
टिप्पणी पोस्ट करा